157. zk., 2015eko abuztuaren 20a, osteguna
- Bestelako formatuak:
- PDF (205 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Obra, zerbitzu eta horniduren enkanteak eta lehiaketak
OSAKIDETZA-EUSKAL OSASUN ZERBITZUA
3561
IRAGARKIA, Osakidetza-Euskal osasun zerbitzuarena, honako espedienteari dagokion lizitazio-prozedura irekiari buruzkoa: «Dibulgazioko argitalpena sortu eta zabaltzea, euskarazko hizkuntza sanitarioa hedatu eta sendotzeko Osakidetzaren barruan».
1.– Erakunde esleitzailea.
a) Erakundea: Osakidetza-Euskal osasun zerbitzua, Osasun Sailari atxikitako ente publikoa, Zuzendaritza Nagusia, Araba kalea 45, 01006, Vitoria-Gasteiz (Araba).
b) Espedientea izapidetzen duen bulegoa: Zuzendaritza Nagusia - Kontratazio Zerbitzua.
c) Espediente-zenbakia: G/211/20/1/1028/O001/0000/072015.
2.– Kontratuaren xedea.
a) Kontratu-mota: zerbitzuak.
b) Xedearen deskribapena: dibulgazioko argitalpena sortu eta zabaltzea, euskarazko hizkuntza sanitarioa hedatu eta sendotzeko Osakidetzaren barruan.
c) Loteen eta zenbakien araberako banaketa: ez.
3.– Izapideak, prozedura eta esleitzeko era.
a) Izapidetzea: arrunta.
b) Prozedura: irekia.
4.– Lizitaziorako oinarrizko aurrekontua: 90.000 euro (BEZik gabe). Kontratuaren balio zenbatetsia: 180.000 euro (BEZik gabe).
5.– Behin betiko bermea: bai. Esleipenaren zenbatekoaren % 5.
6.– Dokumentazioa eta argibideak jasotzeko tokia: Zuzendaritza Nagusia, Araba k., 45, 01006, Vitoria-Gasteiz (Araba).
7.– Kontratistaren berariazko eskakizunak.
a) Sailkapena: ez.
b) Bestelako kaudimen ekonomiko eta finantzarioak eta kaudimen tekniko eta profesionala: ikus oinarriak.
8.– Eskaintzak edo parte hartzeko eskabideak aurkezteko era.
a) Aurkezteko azken eguna: irailaren 8ko 13:00etan.
b) Aurkeztu beharreko dokumentazioa: Administrazio Klausula Partikularren Pleguan eskatutakoa.
c) Aurkezteko lekua: ikus 1.a) puntua.
d) Lizitatzaileak zenbat denboran eutsi behar dion bere eskaintzari: bi hilabetez, proposamen ekonomikoak irekitzen diren egunaren hurrengotik hasita; hamabost egun baliodun luzatuko da beharrezkoa denean 152.3 artikuluan (ezohiko edo neurriz kanpoko balioak) jasotako izapideak betetzea.
e) Aldaerak onartzea: ez.
9.– Eskaintzak baloratzeko irizpideak, Administrazio Klausula Partikularren Pleguko Karatulan ezarritakoaren arabera:
a) Balio-judizioetan oinarritutako irizpideak: % 50.
● Sormena, originaltasuna eta modernotasuna: 10 puntu.
● Teknologia eta alderdi teknikoak erabiltzea kalitatezko produktua eta proiektuaren prozesuak bermatzeko moduan, fase orotan, irakurlearengana heltzen denera arte: 10 puntu.
● Proposamena euskarazko hizkuntza sanitarioa zabaldu eta sendotzeko helburura egokitzea. Proposamenaren oinarrietan zehaztutako edukira, luzerara eta argitalpen-maiztasunera ere egokitzea: 15 puntu.
● Proiektuari zuzendutako bitartekoekin eta giza baliabideekin sendotasuna eta segurtasuna ematea proiektuari, modurik onenean gara dadin: 15 puntu.
b) Formulatan oinarritutako irizpideak: % 50.
Eskaintza ekonomikoa: 50 puntu.
10.– Eskaintzak irekitzea.
Balio-judizioak irekitzea: Erakundea: Zuzendaritza Nagusia. Helbidea: Araba kalea 45, 01006, Vitoria-Gasteiz (Araba). Eguna: 2015eko irailaren 15a, 12:30ean.
Formulak irekitzea: Erakundea: Zuzendaritza Nagusia. Helbidea: Araba kalea 45, 01006, Vitoria-Gasteiz (Araba). Eguna: 2015eko urriaren 6an, 11:30ean.
11.– Bestelako argibideak: Esleipen-irizpideak iragarki honetako 9. puntuan adierazitakoak dira, eta Klausula Administratibo Partikularren Pleguko Karatulako 30. atalean ezarritakoaren arabera baloratuko dira.
12.– Iragarkien gastuak: esleipendunak ordainduko ditu (456,95 euro).
13.– Hala badagokio, deialdiari buruzko informazioa aurkitzeko edo pleguak jasotzeko atari informatikoa edo web orria: www.osakidetza.euskadi.net
Vitoria-Gasteiz, 2015eko abuztuaren 7a.
Kontratazio Mahaiko presidentearen ordezkoa,
ENEKO ZARRAOA GARMENDIA.