Euskal Herriko Agintaritzaren Aldizkaria

177. zk., 2015eko irailaren 17a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 2 ZENBAKIKO EPAITEGIA

3915

EDIKTUA, 150/2014 prozedura arruntaren ondoriozkoa.

Bilboko Merkataritza Arloko 2. zenbakiko Epaitegia.

Judizioa: 150/2014 prozedura arrunta.

Alderdi demandatzailea: Auto-Servicios Nifa, S.L.

Alderdi demandatua: Larrano Basolanak, S.A. eta Jose Angel Mugika Belaustegui.

Judizio horretan ebazpena eman da, eta honela dio hitzez hitz:

222/2014 EPAIA

Epailea: Begoña Merino Juez.

Lekua: Bilbao (Bizkaia).

Eguna: bi mila eta hamalauko irailaren hogeita bia.

Alderdi demandatzailea: Auto-Servicios Nifa, S.L.

Abokatua: Fernando Polo Martinez.

Prokuradorea: Zigor Capelastegui Cristobal.

Alderdi demandatua: Larrano Basolanak, S.A. eta Jose Angel Mugika Belaustegui.

Abokatua.

Prokuradorea.

judizioko gaia: merkataritza-sozietateak.

EPAITZA

1.– Osorik baiesten dut Auto Servicios Nifa, S.L.k, Capelastegui prokuradoreak ordezkaturik, jarritado demanda, Larrano Basolanak, S.A.ren administratzaile bakar Jose Angel Mugika Belausteguiren aurka, zein auzi-ihesean baitago.

2.– Jose Angel Mugika Belaustegui kondenatzea, Larrano Basolanak, S.A.ren administratzaile bakar den aldetik, Auto Servicios Nifa, S.L.ri hogeita bi mila, seiehun eta berrogeita hamar euro eta hirurogeita hamahiru zentimo (22.650,73) ordaintzera.

3.– Jose Angel Mugika Belaustegui kondenatzea, Larrano Basolanak, S.A.ren administratzaile bakar den aldetik, aipatu zenbatekoari interpelazio judiziala egin zen egunetik aurrera legezko interesa aplikatzetik ateratzen den zenbatekoa ordaintzera auzi-jartzaileari.

Gainera, zorraren zenbateko osoaren berandutze-interesa sortuko da, bi puntutan gehitua, ebazpen hau irmo egiten denetik aurrera, PZLko 576. artikuluan araututako prozesuko interes gisa.

4.– Alderdi demandatuari ezartzen dizkiot kostuak.

Aurkaratzeko modua: apelazio-errekurtsoa, Bizkaiko Probintzia Auzitegian (PZL, 455. artikulua). Errekurtsoa jartzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, adieraziko dira: aurka egiteko zein alegaziotan oinarritzen den, zein den apelatutako ebazpena eta zein diren aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (2755 0000 04 0150 14). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenean salbuesten direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari naizenez, horren guztiaren fede ematen dut, Bilbon, 2014ko irailaren 22an.

Alderdi demandatuaren gaur egungo egoitza edo bizilekua ezezaguna denez, Prozedura Zibilaren 1/2000 Legeko 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea erabaki da, judiziorako zitazioa egiteko eginbidea gauza dadin.

Bilbao (Bizkaia), 2015eko ekainaren 23a.

IDAZKARI JUDIZIALA.

Azterketa dokumentala