Euskal Herriko Agintaritzaren Aldizkaria

49. zk., 2016ko martxoaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 3 ZENBAKIKO EPAITEGIA

1088

EDIKTUA, ezkontzaz kanpoko seme-alabentzako neurrietarako 326/2015 prozeduraren ondoriozkoa.

Donostiako Lehen Auzialdiko 3 zenbakiko Epaitegia.

Judizioa: 326/2015 ezkontzaz kanpoko seme-alabentzako neurriak.

Demandatzailea: Rebeca Justiniano Rodriguez.

Abokatua: Maria Jose Galan Jara.

Prokuradorea: Uriz Martin Gonzalez.

Demandatua: Henry Bernardo del Castillo Mansilla.

Auzigaia: guraso eta seme-alaben arteko harremanak.

Judizio horretan, epaia eman da 2016ko otsailaren 18an. Hona hemen epaitza:

ERABAKITZEN DUT:

Osorik baiesten dut Uriz Martín González epaitegietako prokuradoreak, Rebeca Justiniano Rodríguez andrearen izenean eta ordez, aurkeztutako demanda, Henry Bernardo del Castillo jaunaren aurkakoa, eta ondorioz,

Adingabeko XXXXX alabari dagokionez honako erabaki hauek hartzen ditut:

1.– Zaintza eta jagoletza esleitzea. XXXXX adingabearen zaintza eta jagoletza Rebeca Justiniano Rodríguez amari esleitzen zaizkio.

2.– Egonaldi-, komunikazio-eta -bisita-araubidea. Ez da bisita-erregimenik ezarri gurasoen eta alabaren artean. Neurri hori aldatzea eskatu ahal izango du Henry Bernardo del Castillo jaunak, bide judizialetik.

3.– Mantenu-pentsioa. Aitak XXX alaba adingabearen mantenu-pentsioa ordaindu beharko du, harik eta hura adinez nagusi izatera iritsi eta ekonomikoki independentea izan arte edo izateko moduan egon arte, fede onez jokatuta. Pentsio hori hilean 150 eurokoa izango da, eta urteko hamabi hilabeteetako lehenengo bost egunetan ordaindu beharko dio amari. Pentsioa urtero eguneratuko da, horretarako aldez aurretiko errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizearen aldaketen arabera, abendutik abendura neurtuta; lehen eguneratzea 2017ko urtarrilaren batean gauzatuko da.

Aitak bere aldetik zuzenean ordaintzen dituen era honetako gastuak ez dira kenduko ebazpen honen arabera ordaindu behar duen pentsiotik.

Alabaren bizitzan sortzen diren ezohiko gastuak –zein ez baita ekonomikoki independentea– aitak eta amak ordainduko dituzte, erdibana. Ebazpen honen oinarri juridikoetan ezarritakoarekin bat etorriz, kontzeptu horretatik kanpo utziko dira, esaterako, eskola-uniformearen edo -liburuen gastuak (izan ere, urtero errepikatzen dira); bestelako gastuak, berriz, sartu egingo dira apartekoen kontzeptuan, eta katalogo posible osoa adierazteko asmorik gabe, honako hauek sar daitezke: gastu medikoak, kirurgikoak, ospitalekoak, ortopedikoak, dentistarenak, psikologikoak, farmazeutikoak, ortodontziakoak, logopediakoak, eta, oro har, osasun-sistema publikoan edo dagokion medikuntza-erakundean sartzen ez diren gaixotasun fisiko edo mentalei lotutakoak, bai eta, prestakuntza-arloan, eta eskolan atzeratuta egonez gero, derrigorrezko ikasgaiei buruzko klase partikularretakoak ere. Egin beharreko gastua medikoa bada eta Gizarte Segurantzak edo dagokion erakunde medikoak ordaintzen ez badu eta beharrezkoa bada, erdibana ordainduko dute aitak eta amak; horretaz gain, fakultatiboa eta tratamendua bi gurasoek elkarrekin adostutakoak izango dira.

Aurreko paragrafoan azaldutako aparteko gastuak aitak eta amak adostu beharko dituzte, gastua egin aurretik betiere; horrela, bada, gastu hori egin edo ez egin desadostasunik egonez gero, organo judizialaren pean jarriko da gaia; izan ere, organo horrek erabakiko du gastu hori bi gurasoek ordaindu behar duten ebazpen honetan ezarritako proportzioan. Gastua egingo dela ebatziko da, baldin eta behar-beharrezkoa bada, edo oso komenigarria bada eta familiaren gorabeherei egokitzen bazaie. Erregimen horretatik kanpo uzten dira behar-beharrezkoak diren presako gastuak; izan ere, aldez aurretik ezin bada, aski izango da beste gurasoari ondoren jakinaraztea.

Aparteko gastuak ordaintzeko obligazioa amaitu egingo da alaba –adin nagusikoa edo legez emantzipatua izanik– ekonomikoki independentea izaten denean, 150. eta 152. artikuluetako amaitze-kausei kalterik egin gabe.

Epaiaren aurka aurkeztutako errekurtsoek ez dute etengo aurreko neurrien eraginkortasuna.

Prozesuko kostuak ez zaizkio berariaz inori ezartzen.

Henry Bernardo del Castillo Mansilla demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Donostia, 2016ko otsailaren 18a.

JUSTIZIA ADMINISTRAZIOAREN LETRADUA.

Azterketa dokumentala