RSS
1. zk., 2015eko urtarrilaren 2a, ostirala
- Bestelako formatuak:
- PDF (199 KB - 3 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
11
EDIKTUA, ezkontzaz kanpoko seme-alabentzako neurrietarako 130/2014 prozeduraren ondoriozkoa.
JAKINARAZPEN-ZEDULA
Bilboko Lehen Auzialdiko 6 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 130/2014 prozedura bideratu da, Iraide Moraga Guantes-ek eskatuta, Qualid Belkhir Mamoun-en aurka. Prozedura horren gainean epaia eman da. Hona hemen idazpurua eta epaitza, hitzez hitz:
623/2014 EPAIA
Epailea: Isabel Elexpuru Eguia.
Lekua: Bilbao (Bizkaia).
Eguna: bi mila eta hamalauko abenduaren 9a.
Alderdi demandatzailea: Iraide Moraga Guantes.
Abokatua: Guillermo Gómez Donoso.
Prokuradorea: Ines Elena Rodriguez Molinero.
Alderdi demandatua: Qualid Belkhir Mamoun.
Alderdi parte-hartzailea: Fiskaltza.
Auzigaia: seme-alaba adingabearekiko neurri ekonomikoak eta pertsonalak hartzea.
EPAITZA
Baietsi egiten dut partez Rodriguez Molinero prokuradoreak, Iraide Moraga Guantes-en izenean eta ordez aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Qualid Belkhir Mamoun-en aurka; eta Fiskaltza parte delarik, XXXXX adingabekoari dagokionez (2009ko irailaren 9an jaioa), honako neurri pertsonal eta mantenu-neurri hauek hartzea erabaki dut:
1.– XXXXX adingabearen zaintza eta jagoletza Iraide Moraga Guantes amari esleitzen zaizkio, eta guraso-ahala, berriz, guraso biek partekatuko dute.
2.– Bisita-, komunikazio eta egonaldi-erregimen hau ezartzen da Qualid Belkhir Mamoun-en eta adingabeko bere XXXXX semearen artean, betiere bi gurasoek unean-unean akordio hoberik lortzen ez badute adingabearen ongizatea aintzat hartuta:
Asteburu birik behin, gau igarotzearekin, ostiraleko 20:00etatik igandeko 20:00etara; adingabekoa amaren etxean jaso eta entregatu beharko du aitak. Guraso bakoitzari dagokion asteburuari batuko zaizkio zubiak eta jaiegunak.
Aste barruan: arratsalde bitan, ikastetxetik ateratzen denetik (non aitak jasoko duen) 20:00etara, ordu horretan entregatuko baitu aitak umea amaren etxean. Salbu gurasoen artean besterik adostu, aste barruko arratsaldeak asteartekoa eta ostegunekoak izango dira.
Gabonetako, Aste Santuko eta udako eskola-oporraldiak: urte bakoitietan aitak aukeratuko ditu bere aldiak, eta bikoitietan, amak. Beste gurasoari komunikazioa gutxienez hilabete lehenago egin beharko zaio.
Gabonetako eskola-oporraldian, hauxe izango da lehen aldia: oporren lehen eguneko 10:00etatik abenduko 30eko 20:00etara; eta bigarren aldia: abenduaren 30eko 20:00etatik oporren azken eguneko 20:00etra.
Aste Santuko eskola-oporraldian, hauxe izango da lehen aldia: oporren lehen eguneko 10:00etatik Pazko igandeko 20:00etara; eta bigarren aldia: Pazko igandeko 20:00etatik oporren azken eguneko 20:00etra.
Udako eskola-oporraldian uztaila eta abuztua sartzen dira, lau hamabostalditan banaturik. Lehenengo aldia uztailaren lehen eguneko 10:00etatik uztailaren 16ko 10:00etara izango da; bigarrena, uztailaren 16ko 10:00etatik abuztuaren 1eko 10:00etara; hirugarrena, abuztuaren 1eko 10:00etatik abuztuaren 16ko 10:00etara; eta, laugarrena, abuztuaren 16ko 10:00etatik irailaren 1eko 10:00etara.
Adingabekoa jasotzea eta entregatzea: adingabekoa ikastetxean jaso behar denean izan ezik, amaren etxean jaso eta entregatu beharko da.
Aitaren eta semearen artean, telefonoz, gutun bidez edo antzeko baliabide telematikoz egiten den komunikazioak honako mugak izango ditu: adingabekoaren eskolako eta eskolaz kanpoko ohiko jardunak, adingabekoaren atseden-orduak eta beste gurasoaz egin beharrezko aldiak errespetatuaz, betiere tarte horietan ahalik eta traba gutxien eginez eta fede onez jokatuaz.
3.– XXXXX semearen aldeko mantenu-pentsioa gisa, Qualid Belkhir Mamoun aitak hilero 200 euroko zenbatekoa ordaindu beharko du. Mantenu-pentsio hori aurreratuta ordaindu beharko du, hilaren lehenengo bost egunetan, Iraide Moraga Guantes-ek horretarako adierazten duen banku-kontuan. Urtero eguneratu beharko da hileko zenbatekoa, betiere Estatistikako Institutu Nazionalak argitaratutako KPIk duen aldakuntzarekin bat etorriz.
4.– Bien semeak izaten diten ezohiko gastuak, bi gurasoek ordainduko dituzte, erdibana, epai honen bigarren zuzenbideko oinarrian ezohiko gastuei buruz ezarritakoa aintzat hartuta.
Ez da kosturik ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Qualid Belkhir Mamoun demandatuari behar bezala jakinarazteko egin dut ediktu hau, Bilbon (Bizkaia), bi mila eta hamalauko abenduaren hamarrean.
IDAZKARIA.
